Dife lo landfill Providence
Bann ponpye ki travay avek Lazans Servis Tenny Dife ek Sovtaz ti pe konbat en dife yer swar lo landfill Providence.
Sa dife in pran pli presizeman kot bann vye feray i ganny depoze.
Zournal Seychelles NATION pa’n reisi ganny plis detay akoz zofisye relasyon piblik kot Lazans Servis Tenny Dife ek Sovtaz, Msye Jones Madeleine, pa ti kapab koz avek nou lo telefonn akoz i ti tro okipe pe ede tenny dife.
Nou ava rapel ki i pa premye fwa ki dife i pran lo landfill Providence.