Dife i andomaz trwa lakaz North East Point
Dife in andomaz trwa lakaz dan en blok flat yer, safwasi dan vilaz Sea View, North East Point.
Sa lensidan dife ti ariv ver 10er45 yer bomaten.
Aparaman dife ti pran dan en lakaz apre propaz dan de lezot lakaz. Akoz dife en katriyenm lakaz ti napa elektrisite.
Bann manm fanmiy ki reste dan sa kat lakaz in ganny led pour zot ganny en lot landrwa tanporer.
Ti pran bann zofisye Lazans Servis Tenny Dife ek Sovtaz trwa masin e 15 minit pour met sa dife anba kontrol.
Avek sa letan tre so e bokou divan akoz sezon vannswet, plizyer lensidan dife in ganny raporte tou resaman.
I enportan alors ki nou pran plis prekosyon par fer sir ki napa dife ki reste alimen letan nou absan kot nou lakour, ki bann difil elektrik pa andomaze, eksetera.