Seychelles Fire and rescue services agency

Dife i konpletman detri en lakaz Les Cannelles

De madanm ti bezwen ganny anmennen lopital Anse Royale kot zot ti ganny trete pour sok apre ki dife ti konpletman detri en lakaz ki zot ti pe reste ladan Les Cannelles, Anse Royale.

Lazans Servis Tenny Dife ek Sovtaz (SFRSA) ti ganny alerte lo sa dife ver 8.45 yer bomaten e deswit zot ti deplway en masin tenny dife sorti anvil e de lezot masin sorti kot stasyon servis tenny dife Anse Boileau.

Seychelles Fire and rescue services agency

Lazans servis tenny dife ek sovtaz i entervenir pour anpes en dife propaze

Lazans ServisTenny Dife ek Sovtaz pe demann manm piblik pour respekte lord Minister Lagrikiltir, Sanzman Klima ek Lanvironnman ki anplas ki defann met dife dan sa letan lasesres.

Sa i vin apre en dife ki ti ganny mete yer apremidi pandan en netwayaz kot en propriyete prive Machabée, Glacis, e kot sa lazans ti bezwen entervenir apre pour tenny sa dife pour anpes li propaz plis apre ki i ti sape e propaze lanmenm dan balizaz.

Plis pert ki domaz

Lazans Servis Tenny Dife ek Sovtaz ti yer deplway trwa masin pour asiste dan en ka pour tenny en dife ki ti’n konmans pran dan en younit lo dezyenm letaz dan en blok flat sis younit, Perseverance 1.

Me erezman dapre bann zofisye lapolis ki ti lo teren, bann ponpye pa ti bezwen entervenir akoz bann rezidan dan sa younit ti’n reisi tenny sa dife zot menm ki ti pran dan en water heater anba lavarang.

Ti napa nanryen grav. Sa lensidan ti ariv ver 8er10 yer swar.

Minis Fonseka, zofisye SFRSA i reponn kestyon lo dife Le Chantier Mal

Minis pour Zafer Entern Errol Fonseka in dir dan Lasanble yer bomaten ki vi logmantasyon enkyetan dan bann ka dife dan pei i neseser ki tou bann partener e responsab konsernen i bezwen pran zot responsabilite e vin pli serye ki oparavan e ranforsi bann mezir prekosyon pour sekiriz bann batiman ek propriyete.

Minis Fonseka ti dir sa letan i ti pe reponn en kestyon irzan lo dife resan dan Le Chantier Mall poze par manm parti minoriter Wallace Cosgrow.

Minis Fonseka in fer resorti ki pandan sa lannen ziska la in annan plizyer sitiasyon dife e 21 lapel dife zis pour sa mwan tousel e apepre 254 lapel pour sa lannen ziska la.

«I kler alors ki sa sitiasyon dife nou bezwen pran li pli serye ki oparavan e ranforsi bann mezir prekosyon pour sekiriz bann batiman ek propriyete,» Minis Fonseka in dir.

Minis Fonseka in profite pour remersye bann zofisye Lazans Servis Tenny Dife ek Sovtaz (SFRSA) pour kapab met sa dife anba kontrol atan.

Lo son kote sef zofisye tenny dife, Msye Andre Morel, in fer resorti ki SFRSA ti deploy de fire tenders avek en bowser e anviron 50 zofisye e sa ti enkli detrwa zofisye ki’n deza kit SFRSA par pran zot retret oubyen demisyonnen enkli ansyen sef zofisye tenny dife Msye Eddy Payet.

«Prensip tenny dife oubyen mitigasyon en lensidan dife i ki ou deploy resours neseser e ou azout lola letan i neseser. Sa dife ti ganny met anba kontrol dan 25 a 30 minit e dife pa’n propaze pour afekte lezot konpartman dan sa batiman alors ti napa okenn nesesite pour azout lezot resours a sa moman.

An sa ki konsern bann difikilte ki SFRSA ti rankontre pour kapab met sa dife anba kontrol, Msye Morel in dir ki sa lazans pa’n rankontre okenn difikilte me si sa batiman ti annan tou bann fasilite ki SFRSA ti rekonmande dan son fason konstriksyon, sa ti pou’n fasilit travay sa lazans.

Sa i bann fasilite parey en ‘riser’ ki ti pou ede redwir longer rakor ki bann zofisye ti pe sevi pour anmenn dan sa batiman.

Msye Morel ti eksplike ki en ‘riser’ i en kalite tiyo ki nou rekonmande i ganny enstale dan bann batiman e i annan de kalite ‘riser’. En ‘wet riser’ ki li i ganny mete pour fer ki dan sak konpartiman en batiman i annan en outlet avek bann rakor anplas pour ki letan i annan en lensidan vitman bann zofisye tenny dife zot pa bezwen trenn rakor me mont direk kot dife i ete e konmans konbat li. I osi annan ‘dry riser’ ki li bann zofisye tenny dife i bezwen konekte delo ek sa tiyo pour mont anler.

Dan en kestyon siplemanter Onorab Cosgrow ti anvi konnen akoz bann zofisye tenny dife pa ti servi sa kanmiyon avek sa gran leskalye ki sa lazans ti’n aste pa tro lontan pase zisteman pour konbat dife dan bann batiman plizyer letaz.  

I ti osi fer resorti ki sa batiman ti anba en kantite renovasyon e si pandan sa letan SFRSA ti’n fer bann rekonmandasyon e bann swivi baze lo sa bann rekonmandasyon pour evit bann sitiasyon difisil pour zofisye tenny dife.

An sa ki konsern bann rekonmandasyon, depite sef zofisye tenny dife Msye Regis Bethew ti eksplike ki tou bann batiman ki ganny konstrir i bezwen swiv serten prosedir ‘occupancy’ lo ki tou bann parti konsernen i apre donn zot komanter e rekonmandasyon avan ki Lotorite Plan i donn ‘occupancy’.

“Pour sa batiman firebrigade ti siport ‘occupancy’ pour ground, first and second floor e pour bann lezot floor pli o nou pa’n zanmen siport ‘occupancy’ akoz ti annan bann keksoz ki nou ti’n rekonmande e ki pa ti ankor fini mete sa i fer ki nou pa pou kapab konnen egzakteman akoz ki sa bann dimoun in ganny lotorizasyon pour servi sa batiman par lao dezyenm floor ki nou ti siporte pour servi,” Msye Bethew ti fer resorti.

Lo son kote Msye Jones Madeleine, zofisye relasyon piblik, ki osi responsab pour lenvestigasyon ek prevansyon kot SFRSA, ti eksplike ki sa kanmiyon avek sa gran leskalye ki zot ti gannyen an 2019 ti’n ler pour fer servis lola an Septanm sa lannen e ki depi an Me lannen pase zot ti’n konmans prosedir me malerezman servicing pa’n fer akoz sitiasyon Covid-19 pa’n permet ki bann teknisyen sorti Langleter i kapab vini. Me la konman Langleter in reouver, sa bann teknisyen sorti kot sa lakonpannyen pe vini le 7 Novanm pour vin fer sa bann servis neseser lo sa masin.

Minis Fonseka ti konfirm sa bann lenformasyon e i dir i satisfe ki vre zot in fer zot mye lo sa size.

Antretan konsernan rapor ki bann dimoun lo lezot letaz pli ba sa batiman ti pe kontinyen travay e ti napa okenn lide ki ti annan en dife dan sa batiman sa ti lev kestyon si tou bann lekipman kont dife ti annord. Minis Fonseka ti eksplike ki bann  tel  responsabilite i i lo propriyeter sa batiman e i osi dan zot lentere pour mentenir sa landrwa.

Lezot konsern ti lo lefe ki bann zofisye tenny dife i toultan servi delo e si sa i vedir zot napa fasilite pour servi fòm. Lo sa pwen Msye Bethew ti eksplike ki letan zot get sitiasyon zot ti konstate ki bann keksoz ki ti pe brile ti kapab tenny avek delo. I dir menm si zot annan fòm, i annan son moman spesifik pour servi li e zot ti pou’n fer li si zot ti vwar li neseser.

Marie-Anne Lepathy

Seychelles Fire and rescue services agency

Dife ti bril en morso landfill Providence yer apremidi

Zofisye relasyon piblik kot Lazans Servis Tenny Dife ek Sovtaz ti zis kapab konfirm avek zournal Seychelles NATION ki sa dife ti pe brile yer apremidi.

I pa ankor kler kwa ki’n okazyonn sa dife me i posib ki i’n pran lo limenm atraver dekonpozisyon bann diferan kalite salte ki annan lo landfill.

Nou a rapel ki plizyer fwa dife in pran lo landfill Providence.

Parfwa in pran bann zofisye Lazans Servis Tenny Dife ek Sovtaz plizyer zour pour tenny dife konpletman.

Seychelles Fire and rescue services agency

Fire consumes part of Le Chantier Mall

The upper floors of Le Chantier Mall were completely destroyed by a fire which broke out early afternoon yesterday.

The fire was seemingly concentrated at and greatly impacted the extension part of the building which was in the works to become a new nightclub.

Videos and photos from the public that were taken at the very start of the fire show intense and huge flames, heavy plumes of smoke as well as some occasional crackling sounds, particularly at the front of the building’s extension.

fire-lechantier-bdy.jpg

To protect onlookers and passing vehicles, the police cordoned off Francis Rachel Street as the Seychelles Fire and Rescue Services Agency battled the blaze at Le Chantier Mall.

According to the police, three persons were rushed to the hospital after the unfortunate event. Late evening two ladies (Seychellois) were released after observation while a man of Indian origin is in the intensive care unit (ICU) and his condition has been described as critical.

All tenants were able to flee their offices on time and according to witnesses, the fire spread rapidly and they were shocked and panicked.

The SFRSA used three fire engines and one bowser to contain the fire.

An investigation has opened to know the cause of the blaze.

At the time of going to press, the SFRSA was not yet ready to give details about the fire.

The building houses the Ministry of Agriculture, Climate Change and Environment, Agency for National Human Resource Development (ANHRD), Institute of Early Childhood Development (IECD), Peppermint Spa, Central Point Pharmacy, Panafricare Clinic, and a number of shops and businesses.

Elsie Pointe and Vidya Gappy

fire-lechantier2.jpeg

Contact Info

Seychelles Fire & Rescue Services Agency
New Port Road, New Port,
Victoria, Mahe
Seychelles

(248) 4 28 99 99
(248) 4 28 99 50

Join us Today


CLICK HERE