Dife lo en bato ekskirsyon
Lapolis avek Lazans Servis Tenny Dife ek Sovtaz pe fer lanket dan en dife ki ti pran yer apremidi lo en bato ekskirsyon La Digue.
Sa bato ti’n aparaman fini depoz kliyan lasose La Passe letan sa dife ti pran.
I fer 2enm lensidan ki arive avek en bato La Digue sa semenn. Merkredi, Spirit of Ton Joe ti pri lo sek me i ti reisi sorti yer granmaten.
Dan portre nou kapab remark lafimen pe sorti lo sa bato.